ﺑﻠﻌﻴﺪ ﻭﺍﻟﺴﺎﻥ ﻓﺎﻟﻮﻧﺘﻴﻦ merci @TizART :D

ﺑﻠﻌﻴﺪ ﻭﺍﻟﺴﺎﻥ ﻓﺎﻟﻮﻧﺘﻴﻦ  merci @TizART :D

--
ﺑﻠﻌﻴﺪ ﻭﺍﻟﺴﺎﻥ ﻓﺎﻟﻮﻧﺘﻴﻦ
ﺍﻟﻴﻮﻡ ﻧﻬﺎﺭ ﺟﺪﻳﺪ ، ﻓﺎﻕ ﻧﺎﺷﻂ " ﺑﻠﻌﻴﺪ" ، ﻟﺒﺲ ﺳﺒﺎﻃﻮ
ﺍﻟﺠﺪﻳﺪ ، ﻭﺍﻟﺤﻄّﺔ ﺣﻤﺮﺓ ، ﻭﺍﺷﻮﺍﻗﻮ ﺗﻬﻴﺞ ﻛﻴﻒ
ﺍﻟﺠﻤﺮﺓ ، ﺻﻮﺭﺗﻬﺎ ﻗﺪﺍﻣﻮ ، ﻓﻔﻴﺎﻗﻮ ﻭﻣﻨﺎﻣﻮ ، ﺣﺒﻴﺒﺔ
ﺍﻟﻘﻠﺐ ﺳﻌﺎﺩ ، ﺷﺎﻑ ﻓﻴﻬﺎ ﻭﺗﻨﻬﺪ ﻭﺯﺍﺩ ، ﻭﺗﻔﻜﺮ ﻛﻼﻣﻬﺎ
ﻓﺎﻟﺘﻠﻴﻔﻮﻥ : ﺣﺒﻴﺒﻲ ﺑﻠﻌﻴﺪ ﻳﺎ ﻧﻮﺭ ﺍﻟﻌﻴﻮﻥ ، ﻧﻬﺎﺭ ﺍﻟﺜﻼﺙ
ﻋﻴﺪ ﺍﻟﺴﺎﻥ ﻓﺎﻟﻮﻧﺘﻴﻦ ، ﻧﺪﻳﺮﻭ ﺗﺎﺣﻨﺎ ﻛﻴﻤﺎ ﺍﻟﻌﺎﺷﻘﻴﻦ ،
ﺗﻬﺪﻳﻨﻲ ﻛﺎﺩﻭ ﻭﻧﻬﺪﻳﻚ ، ﺍﻧﺖ ﻟﻴﺎ ﻭﺃﻧﺎ ﻟﻴﻚ ، ﻧﺪﻭﺯﻭ ﻧﻬﺎﺭﻧﺎ
ﺑﺠﻮﺝ ، ﺍﻟﺮﺍﺱ ﻓﺎﻟﺮﺍﺱ ﺍﻭﻟﺪ ﻋﻤﺘﻲ ﺧﺪﻭﺝ ،،، ...ﺷﺎﻑ
ﻓﻴﻬﺎ ﻭﻗﺎﻝ ، ﻛﻼﻣﻚ ﻫﻮ ﺍﻟﻜﺒﻴﺮ ﻳﺎ ﺑﻨﺖ ﺍﻟﺨﺎﻝ ، ﺍﻥ ﺷﺎﺀ
ﺍﻟﻠﻪ ﻏﺬﺍ ﻧﻔﻴﻖ ﺑﻜﺮﻱ ، ﻧﺼﻠﻲ ﺻﻼﺓ ﺍﻟﻌﻴﺪ ﻭﻧﺠﻴﻚ
ﻧﺠﺮﻱ ، ﻣﻦ ﺑﻌﺪ ﻣﺎ ﻧﺼﺒّﺢ ﻋﻠﻰ ﺍﻻﻫﻞ ﻭﺍﻟﺠﻴﺮﺍﻥ ،
ﻋﻠﻰ ﺳﺤﺎﺏ ﺍﻟﺸﻮﻕ ﻧﻄﻴﺮ ﻟﻌﻨﺪﻙ ﻳﺎ ﻗﻄﻴﺐ ﺍﻟﺨﻴﺰﺭﺍﻥ ،
ﺿﺤﻜﺖ ﻭﻗﺎﻟﺖ ﻭﻳﺎﻙ ﺗﺪﻳﺮﻫﺎ ﻭﺗﻀﺤﻚ ﻓﻴﻨﺎ ﺍﻟﻌﺪﻳﺎﻥ ،
ﻏﺬﺍ ﻋﻴﺪ ﺍﻟﺤﺐ ﻳﻘﻮﻟﻮ ﻋﻠﻴﻪ ﻋﻴﺪ ﺍﻟﻨﺼﺎﺭﻯ ، ﺑﺎﻟﺤﻖ
ﻣﺎﻳﻬﻤﻨﻴﺶ ﺑﻐﻴﺖ ﺑﺠﻨﺒﻚ ﻧﻔﺮﺡ ﻭﻧﺘﺴﺎﺭﻯ ، ﺍﻟﻤﻬﻢ
ﺗﻜﻮﻥ ﺣﺪﺍﻳﺎ ، ﻭﺗﻜﻮﻥ ﻋﻴﻨﻴﻚ ﻓﻮﺟﻬﻲ ﻣﺮﺍﻳﺎ ،،،،، ﺷﺪ
ﺑﻠﻌﻴﺪ ﻃﺮﻳﻘﻮ ، ﻣﺎ ﻓﻄﺮ ﻣﺎ ﺑﻠﻞ ﺭﻳﻘﻮ ، ﺭﻛﺐ ﻓﻄﺎﻛﺴﻲ
ﺍﺣﻤﺮ ، ﻟﺒﺎﺳﻮ ﺍﺣﻤﺮ ﻭﻗﻠﺒﻮ ﺑﻬﻮﺍﻫﺎ ﻳﺰﻓﺮ ، ﺣﺘﻰ ﻭﺻﻞ
ﻓﻮﻗﺖ ﺍﻟﻈﻬﺮ ، ﻓﻤﻜﺎﻥ ﺍﻟﻤﻴﻌﺎﺩ ، ﻣﻘﻬﻰ ﺍﻻﻣﺠﺎﺩ ،
ﻟﻘﺎﻫﺎ ﺗﺘﺴﻨﺎﻩ ﻭﻟﺒﺎﺳﻬﺎ ﺍﺣﻤﺮ ، ﻭﻗﻠﺒﻬﺎ ﻳﻐﻠﻲ ﺑﻬﻮﺍﻩ ﻛﻴﻒ
ﺍﻟﺠﻤﺮ ،،، ﻣﺒﺮﻭﻙ ﺍﻟﻌﻮﺍﺷﺮ ﻳﺎ ﺯﻳﻨﺔ ﺍﻟﺨﺪﻭﺩ ، ﻳﺎ ﻣﻦ
ﻣﻠﻜﺖ ﺭﻭﺣﻲ ﻳﺎﻭﺭﺩﺓ ﺍﻟﻮﺭﻭﺩ ، ﺷﺪ ﺍﻳﺪﻳﻬﺎ ﻭﺷﺪﺕ ﺍﻳﺪﻳﻪ ،
ﻭﻗﻠﻮﺏ ﺍﻟﻤﺤﺒﺔ ﺑﺎﻧﺖ ﻓﻌﻴﻨﻴﻬﺎ ﻭﻋﻴﻨﻴﻪ ، ﺟﺒﺪ ﻛﺎﺩﻭ
ﻭﻋﻄﺎﻫﺎ ، ﻗﺮﻋﺔ ﺷﺎﻣﺒﻮﺍﻥ ﻭﻣﺸﻄﺔ ﻣﻌﺎﻫﺎ ، ﻫﺎﺩﻱ
ﻟﻴﻚ ﻳﺎ ﻣﻮﻻﺕ ﺍﻟﺴﺎﻟﻒ ، ﺣﺮﺕ ﻣﺎ ﻧﻬﺪﻳﻚ ﻭﺑﻘﻴﺖ ﺗﺎﻟﻒ ،،،،
ﺿﺤﻜﺖ ﻭﻗﺎﻟﺖ ﺍﻟﻠﻲ ﺟﺎ ﻣﻦ ﻋﻨﺪﻙ ﺳﻤﻦ ﻭﻋﺴﻞ ،
ﻗﺮﺑﻚ ﻣﻨﻲ ﺍﺣﻠﻰ ﻫﺪﻳﺔ ﻭﻓﻀﻞ ،،،، ﻭﻫﺪﺍﺗﻮ ﻗﺮﻋﺔ
ﺍﻟﺮﻳﺤﺔ ، ﻭﻣﻴﻜﺔ ﻋﺎﻣﺮﺓ ﺗﻤﺮ ﻭﺷﺮﻳﺤﺔ،،،،،ﺩﺍﺯﺕ ﺳﺎﻋﺔ
ﻭﺳﺎﻋﺘﻴﻦ ، ﻭﻓﺮﻣﺶ ﺍﻟﻌﻴﻦ ، ﻭﻗﻒ ﻋﻠﻴﻬﻢ ﺭﺍﺟﻞ ﻛﺘﺎﻓﻮ
ﺑﺤﺎﻝ ﺍﻻﻋﻤﺎﺩ ، ﺻﺮﺧﺖ ﺳﻌﺎﺩ ﻭﻗﺎﻟﺖ ﺃﻭﻳﻠﻲ ﺧﻮﻳﺎ
ﺟﻮﺍﺩ ، ﺗﻤﺘﻢ ﺑﻠﻌﻴﺪ ﻭﻣﺎﻝ ، ﺻﺮﺥ ﻓﻴﻪ ﺧﻮﻫﺎ ﻭﻗﺎﻝ ،
ﻫﺎﺩﺍ ﺍﻟﻤﻈﻨﻮﻥ ﻓﻴﻚ ﻳﺎ ﻭﻟﺪ ﺍﻟﺨﺎﻝ ، ﻫﺰﻭ ﺟﻮﺍﺩ ﻣﻦ
ﻛﺘﺎﻓﻮ ﻭﺟﻤﻌﻮ ﺑﺸﻤﺎﻝ ، ﻭﺑﺪﻣﺎﻍ ﻧﻄﺤﻮ ﻭﺯﺍﺩﻭ ، ﻭﻟﻮﻻ
ﺍﻟﺪﻡ ﺍﻟﻠﻲ ﺑﻴﻨﺎﺗﻬﻢ ﻛﺎﻥ ﺷﺮﺷﻢ ﻟﻴﻪ ﻛﺒﺎﺩﻭ ، ﻭﺟﺮ ﺍﺧﺘﻮ
ﻣﻦ ﺷﻌﺮﻫﺎ ، ﺯﻳﺪﻱ ﻗﺪﺍﻣﻲ ﻫﺬﺍ ﺁﺧﺮﻫﺎ ؟ ﺻﺮﺧﺎﺕ
ﻭﻗﺎﻟﺖ ﺧﻮﻳﺎ ﻫﺎﺩﺍ ﻏﻴﺮ ﺍﻟﺴﺎﻥ ﻓﺎﻟﻮﻧﺘﻴﻦ ، ﺑﻐﻴﺖ ﻧﻘﻀﻴﻪ
ﻣﻊ ﻭﻟﺪ ﺧﺎﻟﻲ ﺍﻟﺤﻨﻴﻦ ،،، ﺳﻜﺘﻲ ﻭﻻ ﻧﺰﺭﻙ ﻟﻴﻚ
ﺍﻟﻌﻴﻨﻴﻦ ، ﺩﺍﻳﺮﺍﻫﺎ ﻗﺪ ﺭﺍﺳﻚ ، ﻋﺎ ﺗﺎﻉ ﺍﻟﻠﻲ ﻳﺮﻳّﺐ ﻟﻴﻚ
ﺿﺮﺍﺳﻚ ،،،
ﻭﻓﻤﻘﻬﻰ ﺍﻻﻣﺠﺎﺩ ﻣﺎﺯﺍﻝ ﺧﻮﻧﺎ ﺑﻠﻌﻴﺪ ، ﻳﺘﺄﻟﻢ ﻭﻳﺰﻳﺪ ،
ﺍﻟﺘﻠﻔﺰﺓ ﺷﺎﻋﻠﺔ ﻗﺪﺍﻣﻮ ، ﻭﺍﻟﻜﻼﻡ ﻳﺠﻴﺐ ﺧﻮ
ﻛﻼﻣﻮ ،،ﻛﺎﻧﺖ ﻧﺸﺮﺓ ﺍﻻﺧﺒﺎﺭ ﺧﺪﺍﻣﺔ ، ﻭﺍﻟﺪﻡ ﺍﻟﻌﺮﺑﻲ
ﻳﺴﻴﻞ ﻣﻦ ﺍﻟﻘﺪﻡ ﺣﺘﺎﻝ ﺍﻟﻌﻤﺎﻣﺔ ، ﻓﺴﻮﺭﻳﺎ ﻭﻓﻠﺴﻄﻴﻦ ،
ﺷﺤﺎﻝ ﻣﻦ ﺻﺒﻲ ﻭﺷﻴﺦ ﻣﺎﺕ ﺣﺰﻳﻦ ، ﻭﺷﺤﺎﻝ ﻣﻦ
ﻣﺸﺮﺩ ﻻ ﺭﺣﻴﻢ ﻭﻻ ﺣﻨﻴﻦ ،،،، ﻃﺎﺣﺖ ﺩﻣﻌﺔ ﻣﻦ ﻋﻴﻮﻥ
ﺑﻠﻌﻴﺪ ﻭﻗﻠﺒﻮ ﺷﻌﻞ ﻛﻴﻒ ﺍﻟﺠﻤﺮ ، ﻣﻠﻲ ﺷﺎﻑ ﺩﺍﻙ ﺍﻟﺪﻡ
ﺍﻻﺣﻤﺮ ، ﻳﺴﻴﻞ ﻭﻣﺎﺗﺖ ﺍﻟﺤﺸﻤﺔ ﻭ ﻛﺒﺮ ﺍﻟﻌﻴﺐ، ﻭﻗﻠﻮﺏ
ﺗﺎﻓﻬﺔ ﺗﺤﺘﻔﻞ ﺑﻌﻴﺪ ﻏﺮﻳﺐ ، ﺩﺭﺍﺭﻱ ﺻﻐﺎﺭ ﻭﺷﻴﻮﺥ ﻛﺒﺎﺭ ،
ﻳﻤﻮﺗﻮ ﺑﺎﻟﺠﻮﻉ ﻓﺎﻟﺼﻮﻣﺎﻝ ، ﻭﻣﻼﻳﻴﻦ ﺗﺨﺴﺮ ﻓﺄﻋﻴﺎﺩ
ﺍﻟﺠﻬﺎﻝ ،،، ﻧﺎﺽ ﺑﻠﻌﻴﺪ ، ﺑﻌﺪﻣﺎ ﺗﻌﻠﻢ ﺩﺭﺱ ﺟﺪﻳﺪ ، ﺭﻣﻰ
ﻗﺮﻋﺔ ﺍﻟﺮﻳﺤﺔ ﻣﻦ ﺑﻌﺪ ﻣﺎ ﻛﻼ ﻗﺘﻠﺔ ﺻﺤﻴﺤﺔ ، ﻭﺷﺎﻑ
ﺑﻌﻴﻨﻴﻪ ، ﻋﺎﻟﻢ ﺍﻟﻮﻫﻢ ﺍﻟﻠﻲ ﻛﺎﻥ ﻋﺎﻳﺶ ﻓﻴﻪ
Hicham Hic