تفرجت في أعمال ويليام شيكسپير كثر من ألف مرة، و لكن هاذ الذكرة ديال عيد ميلادو الأربعمئة ضربتهوم كلهم في دقة وحدة، تفرجت فيهم واحد من مورا واحد، حسيت براسي تگهمت، هو داكشي بنين و زوين و ماعمرني نعيا منو، العام الجاي نعاود نتفرج فيهم، لكن ماشي كلهم في دقة وحدة، داكشي عميق بزاف، و أنا ما بقاش قلبي الصغير يقد يتحمل كثر من قصة وحدة عميقة بحال العمق ديال هاد الكتابة البارعة، قوة الإبداع من اللي كتكون متكررة بنفس الشدة، إذا ما كانتش كثر من الأولى، شدة كتنسيك فشدة، هذاك الأسلوب كيوصل ليا في صميم القلب ديالي، راه هاد "الأوفوريا" بحال شي گصعة مزيانة و بنينة ديال كسكسو، غير أنه في واقع الأمر، في مكان أن الواحد يأكل بالعقل مرة كل جمعة، أنا بحال إذا طحت فيها طيحت العمى فالظلمة، عرگتها مزيان وتصورو معايا ماشي نديرها غير نهار الجمعة و نرتاح اليامات الأخرين، و نديرها يوميا ! سواء كان عمل فني بنين أو گصعة كسكسو بنينة ما خاصش الإفراط، مهما كانت شدة البنة. نتمنى ما يعاودش يطرا ليا هادشي باش قلبي الصغير يتحمل كل عمل بوحدو و يتذوقو و يعطيه الوقت الكافي وخا بعد المرات كيكون فيه الجوع ديال الأحاسيس الفنية الشديدة، غادي يخصني نقنعو يأكل بشوية واخا ما يشبعش حسن من التخمة ديال الأعمال الفنية بمناسبة هاذ العيد ميلاد الأربعمئة، دابا غادي ندير الريجيم حتى العيد ميلاد الجاي و نحاول نأكل بلا ما نعرگها شي عمل أو عملين فنيين على الأكثر من عندو واخا داكشي بنين تعاود تأكل و تأكل من الأعمال و ما تشبعش، و لكن ما عندي ما ندير، اللي عندو كبدة هشيشة بحال ديالي خاصو يتكايس على الفرع الفني ديال القليب نتاعو، و حتى كسكسو خاصني ما نبقاش نطيح فيه طيحة وحدة باش نخلي كرشي مرتاحة... :)

 

تفرجت في أعمال ويليام شيكسپير كثر من ألف مرة، و لكن هاذ الذكرة ديال عيد ميلادو الأربعمئة ضربتهوم كلهم في دقة وحدة، تفرجت فيهم واحد من مورا واحد، حسيت براسي تگهمت، هو داكشي بنين و زوين و ماعمرني نعيا منو، العام الجاي نعاود نتفرج فيهم، لكن ماشي كلهم في دقة وحدة، داكشي عميق بزاف، و أنا ما بقاش قلبي الصغير يقد يتحمل كثر من قصة وحدة عميقة بحال العمق ديال هاد الكتابة البارعة، قوة الإبداع من اللي كتكون متكررة بنفس الشدة، إذا ما كانتش كثر من الأولى، شدة كتنسيك فشدة، هذاك الأسلوب كيوصل ليا في صميم القلب ديالي، راه هاد "الأوفوريا" بحال شي گصعة مزيانة و بنينة ديال كسكسو، غير أنه في واقع الأمر، في مكان أن الواحد يأكل بالعقل مرة كل جمعة، أنا بحال إذا طحت فيها طيحت العمى فالظلمة، عرگتها مزيان وتصورو معايا ماشي نديرها غير نهار الجمعة و نرتاح اليامات الأخرين، و نديرها يوميا ! سواء كان عمل فني بنين أو گصعة كسكسو بنينة ما خاصش الإفراط، مهما كانت شدة البنة. نتمنى ما يعاودش يطرا ليا هادشي باش قلبي الصغير يتحمل كل عمل بوحدو و يتذوقو و يعطيه الوقت الكافي وخا بعد المرات كيكون فيه الجوع ديال الأحاسيس الفنية الشديدة، غادي يخصني نقنعو يأكل بشوية واخا ما يشبعش حسن من التخمة ديال الأعمال الفنية بمناسبة هاذ العيد ميلاد الأربعمئة، دابا غادي ندير الريجيم حتى العيد ميلاد الجاي و نحاول نأكل بلا ما نعرگها شي عمل أو عملين فنيين على الأكثر من عندو واخا داكشي بنين تعاود تأكل و تأكل من الأعمال و ما تشبعش، و لكن ما عندي ما ندير، اللي عندو كبدة هشيشة بحال ديالي خاصو يتكايس على الفرع الفني ديال القليب نتاعو، و حتى كسكسو خاصني ما نبقاش نطيح فيه طيحة وحدة باش نخلي كرشي مرتاحة... :)