ام كلثوم - دارت الايام - حفلة طويلة نادرة - جودة عالية - HD + Lyrics

  

رائعة ام كلثوم دارت الايام
غناء كوكب الشرق
ام كلثوم
كلمات الشاعر مأمون الشناوى
الحان محمد عبد الوهاب
الاغنية انتاج عام 1970

كلمات الاغنية

ودارت الأيام
ومرت الأيام
ما بين بعاد وخصام
وقابلته نسيت إنى خاصمته
ونسيت الليل اللى سهرته
وسامحت عذاب قلبى و حيرته
ما اعرفش إزاى إزاى إزاى أنا كلمته
ما اقدرش على بعد حبيبى
أنا ليا مين أنا ليا مين إلا حبيبى

قابلنى والأشواق فى عنيه
سلم
سلم وخد ايدى في ايديه
و همسلى قالى الحق عليه
نسيت ساعتها بعدنا ليه
فين دموع عينى اللى ما نامت ليالى
بابتسامه من عيونوا نسهالى
امر عذابى و احلى عذاب
عذاب الحب عذاب الحب للأحباب
ما قدرتش اصبر يوم على بعده
ده الصبر عايز عايز صبر لوحده
ما اقدرش على بعد حبيبي
انا ليا مين الاحبيبى

وصفولى الصبر
لقيته خيال وكلام فى الحب
يا دوب يا دوب ينقال
اهرب من قلبى اروح على فين
ليالينا الحلوه فى كل مكان
مليناها حب احنا الأثنين
و ملينا الدنيا امل
امل و حنان
عينى عينى ع العاشقين
حيارى مظلومين
عالصبر مش قادرين
ما قدرتش اصبر يوم على بعده
ده الصبر عايز عايز صبر لوحده
ما اقدرش على بعد حبيبى
انا ليا مين الا حبيبى

و دارت الأيام
و مرت الأيام
و هل الفجر بعد الهجر
بلونه الوردى بيصبح
و نور الصبح صحى الفرح
و قال للحب قوم نفرح
من فرحتى فرحتى تهت مع الفرحه
من فرحتي فرحتي لا بنام ولا بصحى
و لقيتنى معاك بعيش معاك
بعيش ف ربيع مفيش كده مفيشس كده
بين شوق ما ينتهيش
وشوق و شوق وشوق تانى ابتدى
ما اقدرتش اصبر يوم على بعده
ده الصبر عايز عايز صبر لوحده
ما اقدرش على بعد حبيبى
انا ليا مين الا حبيبى